नाडाल अन्तिम १६ मा

एजेन्सी । स्पेनिस राफायल नाडाल फ्रेन्च ओपन टेनिसको अन्तिम १६ मा प्रवेश गरेका छन् ।

पेरिसमा शुक्रबार राति भएको खेलमा इटालीका स्टेफानो ट्राभागलियालाई पराजित गर्दै नाडाल अन्तिम १६ मा पुगेका हुन् ।

साविक विजेता समेत रहेका नाडालले स्टेफानोलाई ६-१,६-४ र ६-० को सोझो सेटमा पराजित गरे ।

१२ पटकको च्याम्पियन नाडालले अब अमेरिकी खेलाडी सेबास्टियन कोर्डासँग खेल्ने छन् ।

स्विस खेलाडी स्टान वावरिन्का भने तेस्रो चरणबाट बाहिरिएका छन् ।

वावरिन्का फ्रान्सका ह्युगो गास्टनसँग ६-३, ३-६, ३-६, ६-४ र ०-६ को सेटमा पराजित भए ।

महिलातर्फ किकी बेर्टेन्स र एलिस मेर्टेन्स चौंथो चरणमा स्थान बनाएकी छिन् ।