नाडाल फ्रेन्च ओपनको दोस्रो चरणमा

एजेन्सी । साविक विजेता राफायल नाडाल फ्रेन्च ओपन टेनिसको दोस्रो चरणमा प्रवेश गरेका छन् ।

फ्रान्सको पेरिसमा सोमबार राति भएको पहिलो खेलमा बेलारुसको इगोर गेरासिमोभलाई पराजित गर्दै नाडालले दोस्रो चरणको यात्रा तय गरेका हुन् ।

१२ पटकको च्याम्पियन नाडालले इगोरमाथि ६-४,६-४ र ६-२ को सोझो सेटमा पराजित गरे ।

३४ वर्षीय नाडालले इगोरमाथि जित निकाल्न २ घण्टा ५ मिनेटको समय निकाले ।

क्ले कोर्टका बादसाह मानिने नाडालले अब अमेरिकी खेलाडी म्याकडोनाल्डसँग खेल्नेछन् ।

युएस ओपन च्याम्पियन डोमिनिक थिएमले पनि दोस्रो चरणमा स्थान पक्का गरेका छन् ।

डोमिनिकले मारिन सिलिकलाई ६-४,६-३ र ६-३ को सेटमा पराजित गरे ।

चौंथो वरीयताका रसियन खेलाडी डानिल मेदभेदेब भने प्रतियोगिताबाट बाहिरिएका छन् ।