मर्रे पहिलो चरणबाटै बाहिरिए
एजेन्सी । बेलायती खेलाडी एन्डी मर्रे फ्रेन्च ओपन टेनिसको पहिलो चरणबाटै बाहिरिएका छन् ।
वाइल्ड कार्ड प्राप्त गर्दै फ्रेन्च ओपन खेलेका मर्रे पहिलो खेलमै पराजित भएका हुन् ।
पेरिसमा भएको खेलमा मर्रेलाई स्विस खेलाडी स्टान वावरिन्काले पराजित गरे ।
१६ औं वरीयताका वावरिन्काले मर्रेलाई ६-१,६-३ र ६-२ को सेटमा पराजित गर्दै दोस्रो चरणको यात्रा तय गरे ।
छैटौं वरीयताका एलेक्जेन्डर जेभरेभले डेनिस नोभाकलाई ७-५,६-२ र ६-४ को सेटमा पराजित गर्दै दोस्रो चरणको यात्रा तय गरे ।
अर्जेन्टिनाका डिएगो स्वार्टम्यानले क्रोएसियाका मिओमिरलाई ६-०,६-१ र ६-३ ले पराजित गर्दै दोस्रो चरणमा स्थान पक्का गरे ।
जापानिज खेलाडी केइ निशिकोरीले बेलायतका डान इभान्सलाई हराएर दोस्रो चरणको यात्रा तय गरे ।
महिलातर्फ सिमोना हालेपले दोस्रो चरणको यात्रा तय गरिन् ।
रोमानियाकी हालेपले स्पेनकी सारा टोर्मोलाई ६-४ र ६-० ले पाखा लगाईन ।
यस्तै बेल्जियमकी एलिसा मेर्टेन्सले दोस्रो चरणको यात्रा तय गर्दा बेलायती जोहना कोन्टा भने पहिलो चरणबाट बाहिरिएकी छिन् ।
