साफको टिकटको मुल्य २७ रुपैयाँबाट सुरु

ढाका एजेन्सी । दक्षिण एसियाली फुटबल प्रतियोगिता साफको टिकट मुल्य निर्धारण गरिएको छ । बंगलादेश फुटबल संघले पत्रकार सम्मेलन गर्दै साफ फुटबलको टिकट मुल्य सार्वजनीक गरेको हो ।

संघका अनुसार क श्रेणीको टिकटको मुल्य ५० टाका (६८ रुपैयाँ) र बी श्रेणीको टिकट मुल्य २० (२७ रुपैयाँ) टाका तोकिएको छ ।

टिकटहरु आईतबार बिहानबाट बंगालादेशी फुटबल संघको कार्यालय, बंगबन्धु रंगशाला र ढाका महानगरिय फुटबल लिग कमिटिको अफिसबाट किन्न सकिनेछ ।

संघका अनुसार प्रतियोगिताको समुह चरणमा ५ हजार ५ सय वटा मात्र टिकट वितरण गरिनेछ । अन्य १७ हजार ५ सय टिकट पुरकका रुपमा बाँडिने छ ।

नेपालले सन् २०१३ मा काठमाडौंमा भएको साफमा समुह चरणको क श्रेणीको ७ सय र ख श्रेणीको टिकट मुल्य ३ सय निर्धारण गरेको थियो ।