सेरेना यूएस ओपन टेनिस बाहिर

एजेन्सी । सेरेना विलियम्स यूएस ओपन टेनिसको सेमिफाइनलबाट बाहिरिएकी छिन् ।

न्युयोर्कमा भएको सेमिफाइनलमा बेलारुसकी भिक्टोरिया अजारेन्कासँग पराजित हुँदै सेरेना बाहिरिएकी हुन् ।

पहिलो सेट जितेपनि त्यसपछिका दुई सेट गुमाउदा ६ पटकको च्याम्पियन सेरेना पराजित भईन् ।

२४ पटकको ग्राण्डस्लाम विजेता सेरेनाले पहिलो सेट ६-१ ले आफ्नो बनाएकी थिइन् । तर, त्यसपछिका सेटमा ६-३ र ६-३ ले पराजित भईन् ।

३१ वर्षिया अजारेन्का तेस्रो पटक युएस ओपनको फाइनल पुगेकी हुन् । तर, उनले उपाधि जित्न सकेकी छैनन् ।

अब अजारेन्काले उपाधिका लागि जापानी खेलाडी नाओमी ओसाकासँग खेल्ने छिन् ।

ओसाकाले अमेरिकी खेलाडी जेनिफर ब्रेडीलाई ७–६ (७–१), ३–६, ६–३ को सेट मा पराजित गर्दै फाइनल पुगिसकेकी छिन् ।