बेल रियलको टिम बाहिर

एजेन्सी । स्पेनिस क्लब रियल मड्रिडका फरवार्ड ग्यारेथ बेलले च्याम्पियन्स लिग अन्तर्गत म्यानचेस्टर सिटीविरुद्धको खेल गुमाउने भएका छन् ।

च्याम्पियन्स लिगको अन्तिम १६ अन्तर्गतको दोस्रो लेगमा रियलले शनिबार राति सिटीसँग उसैको मैदानमा खेल्नेछ ।

तर, रियलले सिटीसँगको खेल्ने टिममा बेललाई राखेको छैन ।

रियलले बिहीबार सार्वजनिक गरेको २४ सदस्सीय टिममा बेल अटाएका छैनन् ।

रियलले आठ फरवार्डलाई समावेश गर्दा समेत ३० वर्षीय बेल टिम बाहिर रहेका छन् ।

यस्तै जेम्स रोड्रिगेज समेत टिममा अटाएका छैनन् ।

रियलले कप्तान सर्जियो रामोसले इंग्ल्यान्डको भ्रमण गरेपनि नखेल्ने जनाएको छ ।

पहिलो लेगमा रियलविरुद्ध सिटी २-१ ले अघि रहेको छ ।