‘पीएसजी आएदेखिकै उत्कृष्ट लयमा छु’

एजेन्सी । ब्राजिली स्टार नेयमारले आफु फ्रान्स आएदेखिकै उत्कृष्ट लयमा रहेको बताएका छन् ।

पेरिस सेन्ट जर्मेन (पीएसजी)का फरवार्ड नेयमारले च्याम्पियन्स लिगको उपाधिका लागि आफुहरु भिड्न तयार रहेको बताए ।

पीएसजीले ब्राजिली स्टारलाई २ सय २२ मिलियन युरोमा स्पेनिस क्लब बार्सिलोनाबाट सन् २०१७ मा अनुबन्धन गरेको थियो ।

युरोपेली क्लब फुटबलमा नयाँ शक्ति बन्ने लक्ष्य सहित पीएसजीले नेयमारलाई विश्व कीर्तिमानी मुल्यमा अनुबन्धन गरेको थियो ।

पीएसजी आउनु अघि नेयमारले बार्सिलोनामा चार सिजन सफल रुपमा बिताएका थिए । उनी बालेन डी ओर जित्ने लक्ष्य सहित पीएसजी आएका थिए ।

तर फ्रान्समा नेयमारले बार्सिलोना जतिको सफलता प्राप्त गर्न सकेनन् । उनले थोमस टुचेल नेतृत्वको पीएसजीका लागि ८२ खेलमा ७० गोल गरेका छन् ।

पीएसजीमा आएपछि गम्भिर चोट बोकेका नेयमारले फ्रान्समा अपेक्षा अनुसारको सफलता प्राप्त गर्न सकेनन् ।

२८ बर्षिया फरवार्ड आफ्ना आलोचकलाई चुप राख्न पुरानै फर्ममा फर्किएको दाबी गरेका छन् । आफुमाथि पीएसजीले लगाएको विश्व कीर्तिमानी मुल्यलाई न्याय दिन सक्षम रहेको उनले जनाउ दिएका छन् ।

नेयमार प्रेरित पीएसजीले क्लबबाट यस सिजन घरेलु फुटबलमा तीन उपाधि जितेको छ । नेयमार प्रेरित पीएसजी च्याम्पियन्स लिगको क्वार्टरफाईनलमा पुगेको छ ।

सेमिफाईनल प्रवेशका लागि पीएसजीले अर्को बुधबार सिरि ए क्लब एटलान्टासंग प्रतिस्पर्धा गर्दैछ ।

‘पछिल्ला तीन बर्षको दौरान मैले धेरै ज्ञान प्राप्त गरे ।’ नेयमारले पीएसजीको आधिकारिक वेव साईटमा भनेका छन् ।

‘म सुखद र मुस्किल क्षणबाट गुज्रिएको छु । जब चोटले मलाई खेल्न दिएन ।’ उनले थपेका छन् ।

‘टिमका साथीको सहयोगबाट बाहिर निस्कन सके । अर्थ राख्ने कुरामा केन्द्रित हुन सके । मैदानमा हामीले गर्ने प्रर्दशन उपाधिमा परिणत हुन्छ ।’ नेयमार भने ।

‘क्लब र सबै समर्थकले हाम्रो टिमको लडाईलाई कुनैपनि खेलमा देख्न सक्नेछन् ।’ उनले भने, ‘जहिले म पेरिस पुगे । म आफ्नो सर्वश्रेष्ठ फर्ममा छु । टिम एक परिवार जस्तो रहेको छ ।’

‘हामी च्याम्पियन्स लिगको उपाधि जित्न चाहन्छौ । हामी लड्ने छौ किनकी हामी उपाधिको नजिक कहिल्यै आएनौ ।’ नेयमारले भने ।