दक्षिण अफ्रिकाको वेष्ट इन्डिज भ्रमण स्थगित

एजेन्सी । दक्षिण अफ्रिका क्रिकेट टिमको वेष्ट इन्डिज भ्रमण अनिश्चित कालका लागि स्थगित भएको छ ।

दक्षिण अफ्रिका क्रिकेट डिरेक्टर ग्रामि स्मिथले टिमको वेष्ट इन्डिज भ्रमण स्थगित भएको पुस्टि गरेका छन् ।

दक्षिण अफ्रिकाले जुलाई र अगस्टमा वेष्ट इन्डिज भ्रमण गर्ने तालिका रहेको थियो ।

दुई टोलीबीच दुई खेलको टेस्ट र पाँच टी-ट्वान्टी खेल्ने तालिका रहेको थियो ।

यस्तै दक्षिण अफ्रिकाको श्रीलंका भ्रमण समेत स्थगित भएको छ । यस अघि दक्षिण अफ्रिकाले जुनमा श्रीलंकाको भ्रमण गर्ने तालिका रहेको थियो । तर, कोरोना भाईरसको महामारीको कारण स्थगित भएको थियो ।

दक्षिण अफ्रिकाले श्रीलंकासँग तीन एकदिवसीय र टी-ट्वान्टी सिरिज खेल्ने तालिका रहेको थियो ।