प्रिमियर लिगको नयाँ सिजन सेप्टेम्बर १२ बाट

एजेन्सी । इंग्लिस प्रिमियर लिग फुटबलको नयाँ सिजन सेप्टेम्बर दोस्रो साताबाट सुरु हुने भएको छ ।

प्रिमियर लिगले शुक्रबार २०२०/२१ को सिजन सेप्टेम्बर १२ बाट सुरु हुने जनाएको छ । यस्तै सिजन २०२१ को मे २३ मा सकिने प्रिमियर लिगले जनाएको छ ।

यस सिजनको उपाधि लिभरपुलले जितिसकेको छ । लिभरपुलले ३० वर्षपछि पहिलो पटक उपाधि जितेको हो ।

कोरोना भाईरसको कारण तीन महिना स्थगित यस सिजनको लिग शनिबार सकिदैछ  ।