एजेन्सी । वेस्ट ह्याम युनाईटेडले प्रिमियर लिगमा फुटबलमा आफुलाई सुरक्षित गरेको छ ।
रेलिगेशनबाट बच्न संघर्षरत वेस्ट ह्यामले ईङ्ल्याण्डको शीर्ष डिभिजनको फुटबलमा आफुलाई सुरक्षित गरेको हो ।
शुक्रबार राति वेस्ट ह्यामले घरेलु मैदानमा वाटफोर्डलाई ३–१ गोल अन्तरले हराएको छ ।
रेलिगेशनको दबाबमा रहेका दुवै टोलीबीचको भिडन्तमा वेस्ट ह्याम आक्रमक देखिएको थियो । उसले पहिलो हाफमै तीन गोल गर्दै खेलमा पकड बनाएको थियो ।
घरेलु टोलीका लागि माईकेल एन्टोनियो, टोमस सौसेक र डेक्लेन राईसले गोल गरेका थिए । वाटफोर्डका ट्रोय डेनीले एक गोल फर्काएका थिए ।
डेभिड मोयस नेतृत्वको वेस्ट ह्यामले रेलिगेशन जोनमा रहेको क्लबसंग स्पष्ट ६ अंकको अग्रता लिएको छ ।
लिगमा अब दुई चरणको खेल हुन बाँकी हो । सोही कारण वेस्ट ह्यामले आफुलाई प्रिमियर लिगमा सुरक्षित गरेको हो ।
वेस्ट ह्याम ३७ अंक सहित तालिकाको १५ औं स्थानमा छ । वाटफोर्ड ३४ अंक सहित रेलिगेशन जोन भन्दा एक स्थान माथि छ ।
