विश्वकप विजेता आन्द्रेद्वारा सन्यास

एजेन्सी । जर्मनीका विश्वकप विजेता फरवार्ड आन्द्रे सुर्लेले फुटबलबाट सन्यास घोषणा गरेका छन् ।

विश्व विजेता सुर्लेले शुक्रबार २९ वर्षको उमेरमा फुटबलबाट सन्यास घोषणा गरेको मिरर अनलाईनले जनाएको छ ।

जर्मनीले सन् २०१४ मा विश्वकपको उपाधि जित्दा आन्द्रे टिमका महत्वपूर्ण सदस्य रहेका थिए ।

जर्मनीका लागि उनले ५७ खेलमा २२ गोल गरेका छन् ।

सुर्लेले बुधबार मात्र जर्मन क्लब बोरुसिया डर्टमण्डसँगको सम्झौता अन्त्य गरेका थिए ।

क्लबसँगको सम्झौता एक वर्ष बाँकी रहदै उनले क्लब छाडेका थिए ।

सन् २०१६ मा डर्टमण्ड आएका आन्द्रेले गत सिजन मस्कोबाट लोनमा खेलेका थिए ।

वुल्फवर्गबाट डर्टमण्ड आएका उनले क्लबका लागि ५१ खेलमा ८ गोल गरेका थिए ।

उनले इंग्लिस क्लब चेल्सीबाट दुई सिजन खेलेका थिए ।