लाजियो पराजित, युभेन्ट्सलाई फाइदा

एजेन्सी । इटालियन सिरी 'ए' फुटबलमा उपाधि दाबेदार लाजियो पराजित भएको छ ।

शनिबार भएको खेलमा लाजियो सासुलोसँग २-१ गोल अन्तरले पराजित भएको हो ।

घरेलु मैदानमा सुरुवाती अग्रता जोगाउन नसक्दा लाजियो पराजित भएको हो ।

खेलको ३३ औं मिनेटमा लुइस अल्बर्टोले गोल गर्दै लाजियोलाई अग्रता दिलाएका थिए ।

तर, ५२ औं मिनेटमा जियाकोमो रास्पाडोरीले गोल गर्दै सासुलोलाई १-१ गोलको बराबरीमा ल्याए ।

त्यसपछि खेलको इन्जुरी समयमा फ्रान्सेसको कापुटोले गोल गर्दै सासुलोलाई २-१ को जित दिलाए ।

घरेलु मैदानमा लाजियो पराजित भएसँगै लिग लिडर युभेन्ट्सलाई फाइदा पुगेको छ ।

दोस्रो स्थानको लाजियो युभेन्ट्सभन्दा ७ अंकले पछि रहेको छ ।

सासुलो ४६ अंक जोडेर आठौं स्थानमा रहेको छ ।