एजेन्सी । इंग्लिस प्रिमियर लिग फुटबलमा आज (शनिबार) विभिन्न पाँच खेलहरु हुँदैछ ।
च्याम्पियन टिम लिभरपुल, म्यानचेस्टर सिटी, चेल्सी लगायतका क्लबले शनिबार प्रतिस्पर्धा गर्नेछन् ।
यस अघि नै लिगको उपाधि जितिसकेको लिभरपुलले घरेलु मैदानमा बर्नलीको सामना गर्नेछ । दुई टोलीबीचको खेल ७:४५ बजे सुरु हुनेछ ।
बर्नलीविरुद्ध मैदान उत्रदा लिभरपुल सहज जितको खोजीमा हुनेछ ।
यस्तै लिभरपुल जित निकाल्दै दोस्रो स्थानको म्यान्चेस्टर सिटीविरुद्धको अग्रता थप फराकिलो बनाउन चाहन्छ ।
तर, बर्नलीविरुद्ध नियमित कप्तान तथा मिडफिल्डर जोर्डन हेन्डरसन टिममा हुने छैनन् । घुँडाको चोटका कारण उनले सिजनको बाँकी खेल गुमाउनेछ ।
लिभरपुल सिटी भन्दा २३ अंकले अघि रहेको छ । लिभरपुलको ९२ अंक रहदा सिटीको ६९ अंक रहेको छ । ४९ अंक जोडेको बर्नली दशौँ स्थानमा रहेको छ ।
सिटीले शनिबार राति ब्राइटनसँग खेल्नेछ । दुई टोलीबीचको खेल १२:४५ बजे सुरु हुनेछ ।
ब्राइटनको मैदानमा सिटी सहज जितको खोजीमा हुनेछ । सिटी जित निकाल्दै लिभरपुलसँगको अंक दुरी कम गर्ने योजनामा हुनेछ ।
३६ अंक जोडेको ब्राइटन १५ औं स्थानमा रहेको छ ।
तेस्रो स्थानको चेल्सीले सेफिल्ड युनाइटेडसँग उसैको मैदानमा खेल्नेछ । चेल्सी र सेफिल्डबीचको खेल १०:१५ बजे सुरु हुनेछ ।
चेल्सी सेफिल्डलाई हराएर आफ्नो शीर्ष तीनलाई कायम राख्न चाहन्छ । सेफिल्ड चेल्सीलाई हराएर अंक तालिका सुधार गर्न चाहन्छ ।
चेल्सीले ६० अंक जोडेको छ । सातौं स्थानको सेफिल्डको ५१ अंक रहेको छ ।
प्रिमियर लिग अन्तर्गत नै नर्विचले वेस्ट ह्याम तथा वाट्फोर्डले न्युकासल युनाइटेडसँग खेल्नेछ ।
-1752678405.JPG)
