एजेन्सी । प्रशिक्षक जोसे मौरिन्होले आफुले क्लब छाड्नु अघि टोटेनहमले उपाधि जित्ने बताएका छन् ।
उनले क्लबसंग आफ्नो सम्झौता सकिनु अघि टोटेनहमले उपाधि जित्ने दाबी गरेका हुन् ।
पोर्चुगलका अन्तराष्ट्रिय प्रशिक्षक गत नेभेम्बरमा तीन बर्षको सम्झौता सहित टोटेनहम आएका थिए । सिजनको खराब सुरुवात गरेका मौरिसियो पोचिटिनोलाई प्रतिस्थापन गर्दै मौरिन्होले टिम सम्हालेका हुन् ।
गत सिजन च्याम्पियन्स लिगको फाईनल खेलेको टोेटेनहमले सन् २००८ पछि कुनै उपाधि जितेको छैन । यस सिजन समेत टोटेनहम उपाधि विहिन हुने देखिएको छ ।
मौरिन्होले उपाधि जित्न समय लाग्ने बताउँदै लण्डन क्लबको उपाधिको प्रतिक्षा चाँडै सकिने बताएका छन् । उनले योर्गेन क्लोप नेतृत्वको लिभरपुलको उदाहरण दिदै सो कुरा दाबी गरेका हुन् ।
‘कति समय क्लोप र लिभरपुललाई लाग्यो ?’ उनले प्रश्न गरे, ‘चार बर्ष, चार सिजन । विश्वको उत्कृष्ट गोलकिपर किनेपछि, विश्वको उत्कृष्ट सेन्टर ब्याक किनेपछि, आदि, आदि’
‘म मेरो तीन बर्षको सम्झौतामा केन्द्रित छु । मलाई विश्वास छ, तीन बर्षको सम्झौतामा हामी उपाधि जित्छौ । यदी हामी सक्दैनौ भने तीन बर्ष यहाँ रहुन्जेल क्लब नयाँ युगमा प्रवेश गर्नेछ । त्यसमा मलाई खुसी मिल्नेछ ।’ मौरिन्होले भने ।
‘मैले क्लबका लागि काम गरिरहेको छु । मैले आफ्नो बारेमा सोचेको छैन । म त्यही भन्छु, मेरो लक्ष्य उही छ । मेरो जिन त्यही हो । तर सायद म त्यो चरणमा छु, जहाँ म आफ्नो र आफ्नो रेकर्डको कम देख्छु र क्लबको धेरै देख्छु ।’ उनी भन्छन् ।
‘म आशावादी छु, मैले पहिलो दिनबाट काम सुरु गरेको छु । म विश्वास गर्छु, हामी टिममा केही परिवर्तन गर्न गईरहेको छौ । त्यसैले पछिल्लो समर जस्तै हामीलाई धेरै खर्च गर्न आवश्यक समेत छैन ।’ उनले भने ।
‘मलाई विश्वास छैन कि सिजन नराम्रो भागले मात्र भरिएको छ । हामी ब्यवहारिक रुपमा पहिलो दिनबाट लागिरहेका छौ ।’ मौरिन्होले भने, ‘त्यहाँ धेरै कारण छ, यहाँ फरक हुनेवाला छ ।’
-1752678405.JPG)
