सामुहिक प्रशिक्षण गर्न इंग्ल्यान्ड टिमको घोषणा

एजेन्सी । इंग्ल्यान्डले सामुहिक प्रशिक्षणका लागि ३० सदस्सीय क्रिकेट टिमको घोषणा गरेको छ ।

इंग्ल्यान्ड र वेल्स क्रिकेट बोर्ड (ईसीबी) ले अनुभवी र युवा खेलाडी समेट्दै सामुहिक प्रशिक्षणका लागि ३० खेलाडीको घोषणा गरेको हो ।

इंग्ल्यान्डले घोषणा गरेको टिममा ८ खेलाडी 'अनक्याप' रहेका छन् ।

इंग्ल्यान्डले व्यक्तिगत प्रशिक्षणमा बोलाएको ५५ खेलाडीमा ३० खेलाडी छनोट गरेको हो ।

यस टोलीले वेष्ट इण्डिजसँगको सिरिज अघि प्रशिक्षण र अभ्यास खेल खेल्नेछन् ।

प्रशिक्षण र अभ्यासमा गरेको प्रदर्शनको आधारमा इंग्ल्यान्डले सिरिजका लागि टिम घोषणा गर्नेछ ।

इंग्ल्यान्डले जुलाईमा वेष्ट इण्डिजसँग तीन खेलको सिरिज खेल्दैछ ।

जासन होल्डरको कप्तानीमा रहेको वेष्ट इण्डिजको टिम इंग्ल्यान्ड आईसकेको छ ।

दुई टोलीबीचको पहिलो टेष्ट जुलाई ८ मा साउथह्याम्पटनको द बल मैदानमा सुरु हुनेछ । यस्तो ओल्ड ट्राफोर्डमा हुने दोस्रो टेष्ट जुलाई १६ र तेस्रो खेल जुलाई २४ मा सुरु हुनेछ ।

इंग्ल्यान्ड र वेष्ट इण्डिजबीचको तीन खेलको सिरिज २१ दिनमा सकिनेछ ।