एजेन्सी । इंग्लिस क्लब आर्सनलका प्रशिक्षक मिकेल अर्टेटाले आफु डिफेन्डर डेविड लुइजसँग खुशी भएको बताएका छन् ।
अर्टेटाले लुइज टिमको महत्वपूर्ण खेलाडी भएको बताउँदै उनीबाट आफु प्रभावित भएको बताए ।
प्रशिक्षक अर्टेटाले लुइजलाई थप समय क्लबमै राख्न चाहेको समेत बताए ।
'डेविडबाट म साच्चिकै खुशी छु । उसलाई म आफुसंग राख्न चाहन्छु । म आएबाट टिममा उनी मुख्य रोल मोडल छन्,' अर्टेटाले भने ।
ब्राजिलियन सेन्टर डिफेन्डर लुइजको सम्झौता यस सिजनको अन्त्यसँगै सकिदैछ । तर, अर्टेटा उनलाई क्लबमै राख्न चाहन्छ ।
'मैदानमा उले उत्पादन गर्ने कुराहरु मलाई मन पर्छ । क्लब र खेलाडीमा उनले गरेको प्रभाव मनपर्छ । म उसलाई राख्न चाहन्छु,' अर्टेटाले थपे ।
गत सिजन चेल्सीबाट आर्सनल आएका उनले यस सिजन ३२ खेल खेलेका छन् । तर, ट्रान्सफर बजारमा ३३ वर्षे लुइजले क्लब छाड्न चाहेको हल्ला चलेको छ ।
यस सिजन आर्सनल नवौं स्थानमा रहेको छ । लिग अन्तर्गत आर्सनलले बुधबार राति म्यानचेस्टर सिटीसँग खेल्दैछ ।
कोरोना भाईरसको महामारीपछि बुधबारबाट लिग सुचारु हुँदैछ ।
-1752311327.jpg)
