'ग्रिजम्यान बार्सिलोनाका महत्वपूर्ण खेलाडी'

एजेन्सी । बार्सिलोनाका प्रशिक्षक क्विक सेटियनले एन्टोनी ग्रिजम्यान क्लबका महत्वपूर्ण खेलाडी रहेको बताएका छन् ।

प्रशिक्षक सेटियनले बार्सिलोनामा ग्रिजम्यानले प्रशंसा योग्य काम गरिरहेको बताएका हुन् ।

बार्सिलोनाले मंगलबार राति लेगानेसबिरुद्ध २–० को जित निकालेसंगै सेटियनको सो भनाई बाहिर आएको हो ।

बार्सिलोनाको जितमा अंशु फातीको पहिलो गोल गरेका थिए । बार्सिलोनाका युवा स्टारले बार्सिलोनाबाट राम्रो प्रर्दशन गरेका थिए ।

दोस्रो हाफमा मेस्सीले पेनाल्टीमा गोल गर्दै बार्सिलोनाको जित सुनिश्चित गरे । जितसंगै बार्सिलोनाले लिगमा ५ अंकको अग्रता लिन सफल रह्यो ।

ग्रिजम्यान बार्सिलोनामा जम्न संघर्ष गरिरहेका छन् । एट्लेटिको मड्रिडबाट बार्सिलोना आएका ग्रिजम्यानले पहिलो सिजन ला लिगाका २८ खेलमा मात्र ८ गोल गरेका छन् ।

समग्रमा उनले ३८ खेलमा १४ गोल गरका छन् । अर्का फरवार्ड लुईस सुआरेज घाईते हुदाँ मेस्सी पछि सर्वाधिक गोल गर्ने ग्रिजम्यान दोस्रो खेलाडी हुन् ।

बार्सिलोना आउनु अघि ग्रिजम्यानले एट्लेटिको मड्रिडमा राम्रो प्रभाव जमाएका थिए । उनले डिएगो सिमोन नेतृत्वको टिमबाट पाँच सिजनमा प्रति सिजन कम्तिमा २० गोल गरेका थिए ।

तर पनि प्रशिक्षक सेटियनले ग्रिजम्यानले बार्सिलोनामा गरेको प्रयासको प्रशंसा गरेका हुन् ।

‘उनी एक धेरै महत्वपूर्ण खेलाडी हुन् ।’ सेटियनले भनेका छन् ।

कोरोनाको बिश्रामपछि पुन सुरु भएको लिगमा बार्सिलोना उत्कृष्ट फर्ममा छ ।

‘मलाई थाहा थियो । खेल कठिन भईरहेको छ । जबसम्म तिमी सुरुवातमै अग्रता लिने सक्दैनौ । जसले खेललाई खुल्ला छोडदिन्छ । जो जटिल बनिदिन्छ । यस्तै भईरहेको थियो ।’ सेटियनले भने ।

‘हामीले राम्रो सुरुवात गर्यौ । तर केही बल गुमाउन पुग्यौ र उनीहरुलाई अवसर दियौ । यस्तै जनवरीमा भएको कप म्याचमा समेत भएको थियो ।

उनीहरुले गोल गरेका थिए । त्यसपछि हामीले अन्तिम २० मिनेट नियन्त्रण गरेको थियौ ।’ उनले भने ।

‘उनीहरु धेरै नजिक थिए । उनीहरुले राम्रोसंग प्रतिरक्षा गरिरहेका थिए । खाली ठाउँ भेट्टाउन खासै सजिलो थिएन ।’ उनले थपे ।

निकै ब्यस्त तालिका अनुसार बार्सिलोनाले शुक्रबार सेभिल्लासंग खेल्नेछ ।