म्यानुएलको गोलमा भिया रियलको जित

एजेन्सी । कोरोना भाईरसको महामारीबीच सुचारु स्पेनिस ला लिगा फुटबलमा भिया रियलले साँघुरो जित निकालेको छ ।

शनिबार राति भएको खेलमा भिया रियलले सेल्टा भिगोलाई १-० गोल अन्तरले पराजित गरेको हो ।

सेल्टाको मैदानमा भिया रियललाई जित दिलाउन म्यानुएल ट्रिगेरोसले निर्णायक गोल गरे ।

म्यानुएलले खेलको इन्जुरी समयमा गरेको गोल भिया रियलको जितमा निर्णायक बनेको थियो ।

साँघुरो जितसँगै भिया रियल लिगको आठौं स्थानमा उक्लिएको छ । भिया रियलले २८ खेलमा ४१ अंक जोडेको छ ।

२६ अंक जोडेको सेल्टा रेलिगेसन क्षेत्र भन्दा एक स्थान माथि रहेको छ ।