प्रिमियर लिगका थप एक जनामा कोरोना

एजेन्सी । इंग्लिस प्रिमियर लिग फुटबलका थप एक जनामा कोरोना भाईरसको संक्रमण देखिएको छ ।

प्रिमियर लिगले पछिल्लो चरणको परिक्षणको क्रममा एक जनामा कोरोना देखिएको जनाएको छ ।

तर, प्रिमियर लिगले कोरोनाको संक्रमण भएका व्यक्तिको विवरण गोप्य राखेको छ । तर, संक्रमित व्यक्ति टोटनहमका रहेको बताईएको छ ।

पाँचौं चरणमा ११ सय ९७ खेलाडी र क्लबका स्टाफमा गरिएको परिक्षणमा १ जनामा कोरोना देखिएको हो ।

यससँगै प्रिमियर लिगका ५ हजार ७९ जना खेलाडी र स्टाफमा कोरोना परिक्षण गर्दा संक्रमितको संख्या १३ पुगेको छ ।