एजेन्सी । इंग्लिस क्लब सिटीले युवा मिडफिल्डर फिल फोडेनलाई आफ्नो जिम्मेवारीबारे सम्झाएको छ ।
कोरोना भाईरसको महामारीको समय सरकारको गाइडलाइन उलंघन गरेपछि सिटीले फोडेनलाई जिम्मेवारीबारे सम्झाएको हो ।
२० वर्षे मिडफिल्डले आइतबार आफ्नो साथीसँग समुद्र किनारमा फुटबल खेलिरहेको फोटो सार्वजनिक गरेका थिए ।
उक्त फोटो सार्वजनिक भएपछि सामाजिक दुरी राख्नु पर्ने नियम तोडेको भन्दै उनको आलोचना भएको थियो ।
फोडेनको तस्बिर सार्वजनिक भएपछि सिटीले उनलाई चेतवानी दिदै जिम्मेवारी बोध गराएको बीबीसीले जनाएको छ ।
कोरोनाको महामारीबाट जोगिन् सरकारले कम्तिमा दुई मिटरको दुरी कायम गर्नु पर्ने बताएको छ ।
तर, प्रिमियर लिगले कन्ट्याक्ट प्रशिक्षण सुरु गरिसकेको छ ।
यस अघि सिटीले लकडाउन उलंघन गरेपछि काइल वाल्करलाई कारबाहीको चेतवानी दिएको थियो ।
