एजेन्सी । भारतीय क्रिकेटर शान्ताकुमारन श्रीसंत उत्कृष्ट बलर हुन् ।
तर, सन् २०१३ को इन्डियन प्रिमियर लिग (आईपीएल) मा म्याच फिक्सिङको आरोप लागेपछि उनी प्रतिबन्धमा छन् ।
फास्ट बलर श्रीसंत पछिल्लो ६ वर्षबाट प्रतिबन्धमा छन् । ३७ वर्षीय श्रीसंतको प्रतिबन्ध आगामी सेप्टेम्बर सकिदैछ ।
प्रतिबन्ध फुकुवा भएसँगै उनी क्रिकेटमा पुनरागमन गर्ने तयारीमा छन् । उनी भारतका लागि पुन: विश्वकप उपाधि जित्न चाहन्छन् ।
'धेरै वर्षबाट म मौकाका लागि प्रतिक्षा गरिरहेको छु । यथार्थ परक बन्ने कोशिस गरिरहेछु। तर, अहिले म अव्यवहारिक भएको छु । अव्यवहारिक लक्ष्यहरु राख्दै छु । मेरो अव्यवहारिक लक्ष्य यो हो कि म २०२३ को विश्वकप खेल्नेछु,' उनले भने, 'भारतका लागि उपाधि जित्नेछु र सन्यास लिनेछु । मिसबाहले ४२ सम्म खेल्ने, सचिनले ४२ सम्म खेले, राहुल भाइले ४२ सम्म आईपीएल खेले ।'
श्रीसंतले भारतका लागि दुई पटक विश्वकप उपाधि जितेका छन् । सन् २००५ मा डेब्यु गरेका श्रीसंत भारतले सन् २००७ को टी-ट्वान्टी विश्वकप र २०११ को विश्वकप जित्दा टिममा रहेका थिए ।
भारतका लागि उनले २७ टेष्ट, ५३ एकदिवसीय र १० टी-ट्वान्टी खेलेका छन् ।
अन्तिम पटक उनले सन् २०१३ मा राजस्थान रोयल्सबाट आईपीएल खेलेका थिए ।
प्रतिबन्ध पछि भने श्रीसंतले केही फिल्ममा अभिनय गरेका थिए । यस्तै एक टेलिभिजन शो बिगबोसमा उपविजेता बनेका थिए ।
-1746755007.webp)
