एजेन्सी । इंग्लिस क्लब लिभरपुलका पूर्व स्ट्राइकर माईकल रोबिनसनको निधन भएको छ ।
रिपब्लिक अफ आयरल्याण्डका पूर्व स्ट्राइकर समेत रहेका रोबिनसनको ६१ वर्षको उमेरमा निधन भएको हो ।
स्किन क्यान्सरबाट पीडित रोबिनसनको मंगलबार निधन भएको लिभरपुलले जनाएको छ ।
रोबिनसनले लिभरपुलबाट लिग उपाधिसहित युरोपियन कप र लिग कप जितेका थिए ।
उनले सन् १९८३ देखि ८४ सम्म लिभरपुलबाट खेलेका थिए ।
यस्तै उनले ,म्यानचेस्टर सिटी, ब्राइटन र क्युपीआरबाट समेत खेलेका थिए ।
उनले सन् १९८९ मा स्पेनिस क्लब ओसासुनाबाट खेल जीवनको अन्त्य गरेका थिए ।
आयरल्याण्डका लागि २४ खेल खेलेका उनले ४ गोल गरेका थिए ।
-1751975074.jpeg)
