एजेन्सी । इंग्लिस क्लब एभर्टनले लकडाउनको समय आफ्ना खेलाडी मोइज किनको व्यवहारबाट क्लब चकित भएको जनाएको छ ।
एभर्टनले कोरोना भाईरसको महामारीको कारण सरकारले लकडाउन गरेको समय सरकारको नियम र क्लबको नियम विपरित कार्य गरेको भन्दै मोइजको व्यवहारबाट चकित भएको जनाएको छ ।
लकडाउनको समय घरमा पार्टीको आयोजना गरेपछि मोइज पछिल्लो समय विवादमा आएका हुन् ।
२० वर्षे इटालियन फरवार्ड मोइजले आफ्नो अपार्टमेन्टमा महिलासहित पार्टी आयोजना गरेको भिडियो केहि दिन अघि सार्वजनिक भएको थियो । उक्त भिडियो सार्वजनिक भएसँगै मोइज विवादमा तानिएका छन् ।
क्लबले पहिलो रोजाईका खेलाडीको व्यवहारले निराश बनाएको समेत जनाएको छ ।
'एक घटनाको बारेमा थाहा पाउँदा छक्क परेका छौँ । जसमा पहिलो रोजाई का खेलाडीले कोरोना संकटको समयमा सरकारी मार्ग निर्देशन र क्लब नीतिलाई वेवास्ता गरे,' एभर्टनए विज्ञप्तिमा भनेको छ,'एभर्टनले नियमित रूपमा सरकारको सबै निर्देशहरू पालनामा जोड दिएका छन् ।'
यस्तै एभर्टनले कोरोनाविरुद्ध लड्न नेसनल हेल्थ सर्भिसकले गरेको कामको तारिफ गर्दै उनीहरुको सम्मान गर्नु पर्ने जनाएको छ ।
कोरोनाको कारण इंग्ल्यान्डमा २० हजार बढीको मृत्यु भईसकेको छ ।
-1751975074.jpeg)
