एस्टन भिल्लाले खेलाडीको तलब रोक्ने

एजेन्सी । इंग्लिस प्रिमियर लिग क्लब एस्टन भिल्लाले आफ्नो खेलाडीको २५ प्रतिशत तलब रोक्ने भएको छ ।

कोरोना भाईरसको महामारीको कारण भिल्लाले चार महिनाको तलबको २५ प्रतिशत रोकिने जनाएको छ ।

खेलाडीसँगै क्लबको प्रशिक्षक र व्यवस्थापकको तलब समेत २५ प्रतिशत रोकिने जनाएको छ ।

तलबको रोक्ने निर्णयमा खेलाडी, प्रशिक्षक र म्यानेजमेन्ट टिमले सहमति जनाएको समेत क्लबले जनाएको छ ।

'हाम्रा खेलाडी र कर्मचारीले ठुलो एक्यबद्धता जनाएका छन् । जसलाई वित्तीय समस्या छ,' भिल्लाका सिईओ क्रिस्टियन पुर्स्लोले भने ।

कोरोनाको कारण प्रिमियर लिगका क्लबहरु अहिले आर्थिक संकटमा रहेको बताईएको छ । यस अघि साउथह्याम्पटनका खेलाडी तलब रोक्न सहमत भएका थिए ।

यस्तै आर्थिक संकटबाट जोगिन प्रिमियर लिग क्लबले आफ्नो खेलाडीलाई ३० प्रतिशत तलब कटौतीका लागि आग्रह गरेको थियो ।

कोरोनाको कारण प्रिमियर लिग स्थगित गरिएको छ । लिग सुचारुको मिति अझै अन्योलमा रहेको छ ।