मोरिन्होको उत्कृष्ट-११ : रोनाल्डो पर्दा मेस्सी बाहिर

टोटेनहमका प्रशिक्षक जोसे मोरिन्हो युरोपियन क्लब फुटबलमा सफल प्रशिक्षक हुन् ।

पोर्चुगिज प्रशिक्षक मोरिन्होले युरोपकै ठुला क्लबहरु रियल मड्रिड, म्यानचेस्टर युनाइटेड, इन्टर मिलान, चेल्सी र पोर्टो लगायतका टिमलाई प्रशिक्षण दिईसकेका छन् ।

प्रशिक्षक करियरमा मोरिन्होले थुप्रै स्टार खेलाडीसँग काम गरेका छन् । थुप्रै स्टार खेलाडीलाई प्रशिक्षण दिएका छन् ।

मोरिन्होले हालै विश्व फुटबलका उत्कृष्ट खेलाडीहरु राखेर आफ्नो सर्वकालीन उत्कृष्ट-११ टिमको छनोट गरेका छन् ।

मोरिन्होले बनाएको आफ्नो ड्रिम टिममा बार्सिलोनाका फरवार्ड लियोनल मेस्सी भने अटाएका छैनन् । तर, पोर्चुगिज फरवार्ड क्रिस्टियानो रोनाल्डो भने उत्कृष्ट-११ मा परेका छन् ।

मोरिन्होको टिमको गोलकिपरमा पिटर चेक रहेका छन् । यस्तै डिफेन्डरमा पाउलो फेरिरा, रिकार्डो कार्भालो, जोन टेरी र मार्सेलो रहेका छन् ।