'प्रतिबन्धपछि स्वारेजमा अभूतपूर्व शक्ति देखियो'

एजेन्सी । इंग्लिस क्लब लिभरपुलका पूर्व मिडफिल्डर चार्ली एडमले विपक्षी खेलाडी टोकेपछि पाएको प्रतिबन्धबाट मुक्त हुन बार्सिलोनाका फरवार्ड लुइस स्वारेजले अभूतपूर्व शक्ति देखाएको बताएका छन् ।

सन् २०१४ को विश्वकप फुटबल दौरान उरुग्वेका फरवार्ड स्वारेजले इटालीका जोर्जियो किएलीनीको काँधमा दागै बस्ने गरी टोकेका थिए ।

जसको कारण फिफाले स्वारेजलाई विश्वकपको बाँकी खेल र एक महिना फुटबल खेल्न प्रतिबन्ध गरेको थियो । फिफाको प्रतिबन्ध रहदा स्वारेज लिभरपुलबाट खेल्ने गर्थे ।

'उनी निराश भएका थिए । त्यहाँ के भएको थियो । प्रतिबन्धमा उनी कसरी सामेल भए । यो कसरी भयो,' एडमले पूर्व सहकर्मीबारे भने, 'तर, मानसिक पीडाबाट फर्केर आउने उनको तरिका अभूतपूर्व छ । म भन्छु उ विश्वको सर्वोकृष्ट ९ नम्बर खेलाडी हुन् ।'

सन् २०१३/१४ को सिजन प्रिमियर लिगमा उत्कृष्ट प्रदर्शन गरेपछि स्वारेज बार्सिलोना आएका थिए । त्यस सिजन उनले ३३ खेलमा ३१ गोल गर्दै गोल्डेन शु जितेका थिए । यस्तै पीएफए प्लेयर अफ दि इयर र प्रिमियर लिग प्लेयर अफ दि सिजनको उपाधि जितेका थिए ।

यस्तै एडमले स्वारेजमा गोलको भोको सधै रहने समेत बताए । जसको कारण बार्सिलोनाले उनले आफुलाई प्रमाणित गरेको उनको भनाई छ ।

'उ गोल गर्न भोको छ । उ विश्वकैसबैभन्दा राम्रो टोलीका लागि खेल्दै छ । मैले सबैभन्दा पहिले लियोनेल मेस्सीमा देखेको छु । यो आश्चर्यजनक छ कि उसले त्यो चरण बनायो,' एडमले थपे ।

स्वारेजले बार्सिलोनामा १३ मुख्य उपाधि जितिसकेका छन् । उनले ला लिगा, च्याम्पियन्स लिग, कोपा डेल र क्लब विश्वकप जस्ता उपाधि जितिसकेका छन् ।