एजेन्सी । च्याम्पियन्स लिग र युरोपा लिगको फाईनल अगष्टमा हुने सम्भावना अधिक रहेको छ ।
सिजनका बाँकी खेल सक्नका लागि बुधबार भएको छलफलमा अगष्टमा युरोपका दुई ठुला प्रतियोगिताको फाईनल हुने सम्भावना देखिएको हो ।
युरोपेली फुटबल महासंघ (युईएफए)ले आफ्ना सदस्य राष्ट्रसंग छलफल गदै प्रतियोगिताका बाँकी खेलहरु जुन, जुलाई र अगष्टमा सञ्चालन गर्ने सम्भावना रहेको बताएको थियो ।
युईएफएको आन्तरिक तयारी अनुसार युरोपका धेरै घरेलु प्रतियोगिताहरु जुलाई मसान्तभित्र सक्ने तयारी छ । लगत्तै युरोपेली फुटबल प्रतियोगिताहरु सञ्चालन हुनेछ । कुनै बिषय टुङ्गो नलागेपनि युईएफएले सबै विकल्प खुल्ला राखेको छ ।
युरोपेली प्रतियोगिताका लागि सहजै एक अर्काको देशमा जाने सम्भावना अगष्ट महिनामा हुन सक्ने युईएफएको अनुमान छ । योजना अनुसार अगष्ट ११ देखि २२ सम्म च्याम्पिन्स लिग र युरोपा लिगको क्वार्टरफाईनल र सेमिफाईनलको खेल सकिनेछ ।
पछिल्लो समय कम्तीमा अगष्टको सुरुवाती हप्तामा घरेलु फुटबल सक्ने तयारी गरिएकाे छ । जुलाईमा लिग सक्न असंम्भव देखिएको अवस्थामा अगष्टको पहिलो सातासम्म घरेलु लिग सक्ने गरि छलफल अघि बढेको हो ।
प्रिमियर लिगमा अझै ९ चरणको खेल बाँकी छ । स्पेन र ईटालीमा ११ औ र १२ औं चरणको खेल सम्पन्न गर्नुपर्नेछ । कोरोना भाईरसको प्रकोपबाट स्पेन र ईटालीनै धेरै प्रभावित छन् ।
युईएफएले प्रतियोगिताको स्पष्ट तालिका निस्कन अझै केही हप्ता लाग्ने उल्लेख गरेको छ ।
-1751975074.jpeg)
