एजेन्सी । ब्राजिली स्टार फिलिप कौटिन्हो लण्डन क्लब चेल्सीसंग अनुबन्धको नजिक पुगेका छन् ।
स्पेनिस क्लब बार्सिलोनाबाट लोनमा जर्मन क्लब बार्यन म्युनिख पुगेका कौटिन्हो प्रिमियर लिग क्लब चेल्सीसंग अनुबन्धको नजिक पुगेका हुन् ।
उनी सन् २०१८ मा प्रिमियर लिग क्लब लिभरपुलबाट १ सय ४५ मिलियन पाउण्डमा बार्सिलोना पुगेका थिए । तर अपेक्षा अनुसारको प्रर्दशन गर्न नसक्दा बार्सिलोनाले उनलाई लोनमा जर्मन पुर्याएको थियो ।
पछिल्लो समय बार्यन समेत कौटिन्होलाई राख्न अनिच्छुक देखिएपछि प्रिमियर लिग क्लबहरुले अनुबन्धको चासो देखाईरहेका थिए ।
चेल्सी प्रशिक्षक फ्रान्क लाम्पार्ड कौटिन्होलाई प्रिमियर लिग फर्काएर युवा खेलाडीले भरिएको लण्डन क्लबमा खेलाउन चाहन्छन् ।
लण्डन क्लबले कौटिन्होलाई बार्सिलोनाले लिभरपुललाई तिरेको भन्दा कम मुल्यमा प्राप्त गर्नेछ ।
लोनमा बार्यन पुगेको कौटिन्होले कोरोनाले लिग प्रभावित हुनु अघि ८ गोल गर्नुका साथै ६ गोलको अवसर सिर्जना गरेका थिए । उनको सो प्रर्दशन जर्मन महारथीलाई स्थायी रुपमा राख्न पर्याप्त भएन । सोही कारण २७ बर्षिया मिडफिल्डर चेल्सी जाने ढोका खुलेको हो ।
स्पेनिस समाचार संस्था स्पोर्ट्सका अनुसार चेल्सी कौटिन्हो अनुबन्धको निकै नजिक रहेका छन् ।
प्रशिक्षक लाम्पार्ड प्लेमेकर कौटिन्होको आगमनसंगै अर्को सिजन प्रिमियर लिगको उपाधिमा दाबेदारीता प्रस्तुत गर्न चाहन्छन् ।
कौटिन्होलाई बार्सिलोना करिब ७९ मिलियन पाउण्डमा बाहिर पठाउन तयार छ । लिभरपुलसंग किनेको मुल्यबाट ६६ मिलियन पाउण्ड घटेर बार्सिलोना कौटिन्हो बेच्न तयार देखिएको हो ।
नयाँ सिजनका लागि ईन्टर मिलानबाट लौटेरो मार्टिनेजलाई ल्याउन समेत बार्सिलोनालाई कौटिन्हो बेच्नुपर्ने बाध्यता छ ।
बार्सिलोनाका प्रशिक्षक क्विक सेटियनले कौटिन्होलाई महान खेलाडीको रुपमा ब्याख्या गर्दै उनको करियरलाई नाउ क्याम्पमा पुन गति दिने संकेत गरेका थिए । तर बार्सिलोना ब्राजिली स्टारलाई बाहिर पठाउँदै नयाँ सिजनका लागि नेयमार र मार्टिनेज अनुबन्धको बाटो खोल्न चाहन्छ ।
-1751975074.jpeg)
