'जोर्गिन्हो चेल्सीमै खुसी'

एजेन्सी । चेल्सी स्टार जोर्गिन्हो चेल्सीमै खुसी देखिएका छन् । उनका एजेन्ट जोवाओ सान्तोषले आफ्ना खेलाडी लण्डन क्लबमै खुसी भएको भन्दै युभेन्ट्स जाने चर्चालाई अस्विकार गरेका छन् ।

ईटालीका पुर्व स्टार पछिल्लो समय युभेन्ट्सका प्रशिक्षक माउरिजियो सर्रीसंग पुन जोडिने बिषय बाहिर आएको थियो ।

तर २८ बर्षिया फरवार्डका एजेन्ट सान्तोषले चेल्सी स्टार स्टामफोर्ड ब्रिजमा खुसी रहेको भन्दै युभेन्ट्स जाने कुनै योजना नरहेको भन्दै बताएका हुन् ।

उनले जोर्गिन्होले चाँडै चेल्सीसंग नयाँ सम्झौतामा हस्ताक्षर गर्न सक्ने बताएका छन् ।

ईटालीबाट प्रकाशित रिपोर्ट अनुसार प्रशिक्षक सर्री जोर्गिन्होलाई सिरि ए क्लबमा फर्काउन चाहेका छन् । उनै सर्रीले सन् दुई बर्षअघि जोर्गिन्होलाई सिरि ए क्लब नापोलीबाट चेल्सी लगेर गएका थिए ।

'मैले समेत पढे । तर म कहिल्यै उनीहरुसंग सम्पर्कमा छैन ।' उनका एजेन्टले एक अन्तरवार्तामा भनेका छन् ।

'न सर्री, न त युभेन्ट्सका प्रमुखले जोर्गिन्होको बिषयमा जानकारी माग्न मलाई फोन गरेका छन् ।' सान्तोषले भनेका छन् ।

'आजको दिनसम्म केही भन्न मिल्ने अवस्था छैन । उनी लण्डनमै खुसी छन् । उनले आफुलाई प्रमाणित गरेका छन् र उनको सम्झौता अझै लण्डन क्लबसंग तीन बर्ष बाँकी छ ।' उनले भने ।

'जुलाईमा चेल्सीसंग सम्झौता थप गर्ने बिषयमा कुरा गर्ने सम्भावना छ ।' उनले भने, 'मलाई युभेन्ट्सको सरुवा रणनीति थाहा छैन । तर हाम्रो योजना फरक छ ।'

ईटालीका अन्तराष्ट्रिय खेलाडी लण्डनमा प्रशिक्षक फ्रान्क लाम्पार्डको नेतृत्वको टिममा बसेर आफुलाई प्रमाणित गरिरहेका छन् ।

उनले यस सिजन ३७ खेलमा मौका पाएका थिए । जसमा उनले ७ गोल गर्नुका साथै दुई गोलको अवसर समेत सिर्जना गरेका थिए ।

उनले तीन खेलमा कप्तानको जिम्मेवारी समेत पाएका थिए । चेल्सीले अनुभवी खेलाडीसंगै टिममा युवा खेलाडीलाई मौका दिदै प्रिमियर लिगमा राम्रो नतिजा निकालिरहेको छ ।