एजेन्सी । विश्वमा महामारीको रुपमा फैलिरहेको कोरोना भाईरसविरुद्ध लडिरहेका स्वास्थ्यकर्मीप्रति विश्वका फुटबल खेलाडीले सम्मान व्यक्त गरेका छन् ।
कोरोनाविरुद्ध दिनरात खटिरहेका स्वास्थ्यकर्मीका लागि विश्व भरका ५० महिला र पुरुष फुटबल खेलाडीले ताली बजाएर सम्मान व्यक्त गरेका छन् ।
विश्व फुटबलको सर्वोच्च निकाय फिफाले सार्वजनिक गरेको एक भिडियोमा खेलाडीहरुले स्वास्थ्यकर्मीका लागि ताली बजाएर सम्मान व्यक्त गरेका छन् ।
फिफाले स्वास्थ्यकर्मीहरु अहिलेको सच्चा नायक रहेको कारण उनीहरुको हौसला बढाउँन र सम्मानमा ताली बजाईएको जनाएको छ ।
फुटबल लिजेण्ड पेले, डिएगो म्यारोडोना, डेभिड बेकह्याम, सर्जियो रामोस, इकर कासिलास, पार्क जी सुङ, भाईचिङ भुटिया लगायत विश्व फुटबलका खेलाडीले ताली बजाएर सम्मान व्यक्त गरेका छन् ।
चीनबाट महामारीको रुपमा फैलिएको कोरोनाबाट १ लाख ६० हजार बढी मानिसको ज्यान गईसकेको छ ।
कोरोनाको कारण विश्वका फुटबल गतिविधि ठप्प रहेको छ । विश्वका अधिकांस देश लकडाउनमा रहेको छ ।
-1751975074.jpeg)
