एजेन्सी । इंग्लिस क्लब ब्राइटनका मालिक टोनी ब्लुमले कोरोना भाईरसको कारण स्थगित भएको लिग नसकिए लिभरपुललाई प्रिमियर लिगको उपाधि दिनुपर्ने बताएका छन् ।
कोरोनाको कारण स्थगित लिगमा लिभरपुलले फराकिलो अग्रता कायम गरेको कारण लिग नसकिए उपाधि लिभरपुललाई दिनु उचित रहेको टोनीले बताए ।
'तपाईले उपाधि विजेता पाउन सक्नुहुन्छ । स्पष्ट रूपमा लिभरपुल योग्य छ,' युके मिडियासँग टोनीले भने ।
विश्वभर महामारीको रुपमा फैलिएको कोरोनाको कारण प्रिमियर लिग अप्रिल ३० सम्म स्थगित गरिएको छ ।
यस सिजन लिभरपुल दोस्रो स्थानको म्यानचेस्टर सिटी भन्दा २५ अंकले अघि रहेको छ । र, यस सिजन लिभरपुललाई ऐतिहासिक उपाधि जित्ने अवसर रहेको छ ।
लिभरपुलको ८२ अंक रहदा सिटीको ५७ अंक रहेको छ । लिभरपुलले १९९० पछि प्रिमियर लिगको उपाधि जित्न सकेको छैन । यस सिजन भने लिभरपुल च्याम्पियन बन्ने लयमा रहेको छ ।
टोनीले सिजन नसकिए उपाधि लिभरपुललाई दिनु उचित भएपनि रेलिगेसन गर्न भने नहुने बताए । उनले रेलिगेसन गर्ने आधार स्पष्ट नहुने समेत बताए ।
यस सिजन ब्राइटन रेलिगेसन क्षेत्र भन्दा २ अंकले मात्र अघि रहेको छ ।
-1751975074.jpeg)
