एजेन्सी । इटालियन क्लब ब्रेसियाका अध्यक्ष मासिमो सेलिनोलाई कोरोना भाईरसको संक्रमण देखिएको छ ।
पछिल्लो पटक गरिएको परिक्षणमा अध्यक्ष सेलिनोलाई कोरोना पोजिटिभ देखिएको हो । अध्यक्ष सेलिनोले आफुलाई कोरोना देखिएको पुष्टी गरेका छन् ।
अध्यक्ष सेलिनोसँगै उनका छोरीलाई समेत कोरोनाको संक्रमण देखिएको छ ।
'दुई साताको क्वारेन्टाइनपछि अस्पतालमा परिक्षण गर्दा भाईरस देखियो,' उनले भने, 'मेरो छोरीमा पनि भाईरस देखियो । छोरामा देखिएन । मलाई अत्यधिक थकाई र हड्डीमा पीडा भयो ।'
कोरोनाको कारण सर्वाधिक धेरै संक्रमित हुने देशमा इटाली पर्छ । इटालीमा २३ हजार बढीको मृत्यु भईसकेको छ । यस्तै १ लाख ७५ हजार बढीमा संक्रमण देखिएको छ ।
कोरोनाले सर्वाधिक प्रभावित हुने देशमा अमेरिकापछि इटाली आउने गर्छ ।
-1751975074.jpeg)
