एजेन्सी । कोरोना भाईरसको महामारीको कारण स्थगित इंग्लिस प्रिमियर लिग फुटबलको यस सिजन सक्न क्लबहरु सहमत भएका छन् ।
भिडियो कलमार्फत शुक्रबार बसेको बैठकमा प्रिमियर लिगका क्लबहरु सिजनको बाँकी खेलहरु सक्न सहमत भएका हुन् ।
विश्वभर महामारीको रुपमा फैलिएको कोरोनाको कारण लिग अप्रिल ३० सम्म स्थगित गरिएको छ । गत मार्च १३ पछि लिगका कुनै पनि खेल भएको छैन ।
स्थगित लिग सक्न सहमत भएपनि क्लबले लिग सुचारुको मिति भने टुंगो लगाउँन सकेको छैन ।
यस अघि आगामी जुन ३० सम्म लिग सक्ने क्लबले योजना बनाएको थियो । तर, शुक्रबारको बैठकले सरकारको नियम पालना गर्दै सामान्य अवस्थामा नफर्केसम्म लिग सुचारु नगर्ने सहमतिमा पुगेको बताईएको छ ।
यस्तै क्लबले ट्रान्सफर विन्डो र नयाँ सिजनको बारेमा छलफल नगरेको समत बताएको छ । प्रिमियर लिगको नयाँ सिजन अगष्टमा सुरु हुने गर्छ ।
यस सिजन लिभरपुल दोस्रो स्थानको म्यानचेस्टर सिटी भन्दा २५ अंकले अघि रहेको छ । र, यस सिजन लिभरपुललाई ऐतिहासिक उपाधि जित्ने अवसर रहेको छ ।
लिभरपुलको ८२ अंक रहदा सिटीको ५७ अंक रहेको छ ।
कोरोनाको कारण इंग्ल्यान्डमा १४ हजार बधिमो मृत्यु भईसकेको छ । यस्तै १ लाख बढीमा संक्रमण देखिएको छ ।
