एजेन्सी । स्पेनिस क्लब बार्सिलोनाका पूर्व स्ट्राइकर स्यामुएल इटोले आफ्नो देशमा कोरोना भाईरसले प्रभावित १ लाख मानिसलाई सहयोग गर्ने घोषणा गरेका छन् ।
क्यामरुनका स्ट्राइकर इटोले आफ्नो नामको फाउन्डेसनबाट कोरोना प्रभावित १ लाखलाई सहयोग गर्ने घोषणा गरेका हुन् ।
इटोले क्यामरुनको चार शहर डोउल, बुएया, योन्डे र बाफुसामका मानिसलाई सहयोग गर्ने भएका हुन् । इटोले साबुन, सेनिटाइजर र केहि खाद्य सामग्रीहरू उपलब्ध गराउने छन् ।
यस्तै ५० थान मास्क ट्याक्सी ड्राइभरहरुलाई बाड्ने समेत इटोले बताएका छन् ।
चार पटकको अफ्रिकन प्लेयर अफ दि इयर बनेका इटोले पछिल्लो समय स्यामुएल इटो फाउन्डेसनबाट सामाजिक कार्यहरु गर्दै आइरहेका छन् ।
कोरोनाको कारण क्यामरुनमा १७ जनाको मृत्यु भईसकको छ ।
