'नयाँ सिजन रियलबाट खेल्न चाहन्छु'

एजेन्सी । जापानी युवा स्टार टेकफुसा कुबोले नयाँ सिजन रियल मड्रिडबाट खेल्ने चाहेको बताएका छन् ।

उनले रियल मड्रिडमा स्थान बनाउन आफुले काम गरिरहेको समेत दाबी गरेका छन् ।

कुबोले युवा खेलाडीको रुपमा चार बर्ष बार्सिलोनामा बिताएका छन् । उनी ला मासिया एकेडेमीका खेलाडी हुन् ।

फिफाको अन्तराष्ट्रिय सरुवा नियम उल्लंघनमा दोषी भेटिएपछि उनले सन् २०१५ मा बार्सिलोना छोडेका थिए । एएफसी टोकियोबाट फुटबल करियर अघि बढाएका कुबो चार बर्षपछि स्पेन फर्किएका हुन् ।

जापानका अन्तराष्ट्रिय खेलाडीले रियल मड्रिडसंग सन् २०१९ मा पाँच बर्षको सम्झौता गरेका थिए । उनलाई रियल मड्रिडले प्रि–सिजन टूर तथा अमेरिका र जर्मनी भ्रमणमा समेत समावेश गरेको थियो ।

सुरुवातमा उनलाई पहिलो टिममा राख्ने गरि तयारी गरिएको थियो । तर रियलले अन्तिममा उनलाई मर्लोकामा लोनमा पठाउने निर्णय गरेको थियो ।

उनले मार्लोकामा यस सिजन २५ खेलमा अवसरमा पाएका छन् । उनले तीन गोल समेत गरेका छन् । तर मार्लोका स्पेनिस लिगमा रेलिगेशनबाट बच्न संघर्षरत रहदै आएको छ ।

१८ बर्षिया युवा स्टार नयाँ सिजन बर्नबेउ फर्कने ईच्छा गरिरहेका छन् ।

'यो स्पष्ट छ, रियल मड्रिड जस्तो क्लब आराम गर्न चाहदैन ।' कुबाले भनेका छन्, 'त्यहाँ निकै उत्कृष्ट खेलाडी छन् । त्यहाँ स्थान बनाउन निकै कठिन छ । तर मैले काम गरिरहेको छु । मैले अवसर पर्खिरहेको छु ।'

'मेरो प्राथमिकता स्पष्ट छ । रियल मड्रिडको जर्सीमा बर्ननेउमा खेल्ने कुरा सबै म स्वयममा पनि निर्भर गर्दछ । यति बेला आफ्नो सर्वोकृष्ट प्रर्दशनका लागि मार्लोकामा छु । आगामी दिनमा रियलमा पनि हुन सक्छु ।' उनले भनेका छन् ।

कुबो यतिबेला एकान्तवासमा छन् । कोरोना भाईरसको महामारीका कारण उनी टिमका सदस्यबाट टाढा रहेका हुन् । यस हप्ताको अन्तिममा मार्लोका क्लब रियल मड्रिडको भ्रमण गर्ने तालिका थियो । जापानी स्टार समेत आफ्नो मुल क्लबसंग खेल्न उत्सुक रहेको बताए ।

यो साँचो हो, म साँच्चै खेल्न चाहन्थे । सबै खेल मेरा लागि महत्वपूर्ण छ । तर यो खेल अझ महत्वपूर्ण थियो । कुबोले भनेका छन् ।