चेल्सीका लिजेण्ड पिटरको निधन

एजेन्सी । चेल्सीका लिजेण्ड गोलकिपर पिटर बोनेट्टीको निधन भएको छ ।

इंग्ल्यान्डका पूर्व गोलकिपर समेत रहेका पिटरको ७८ वर्षको उमेरमा निधन भएको हो ।

लामो समय विरामी रहेका पिटरले सन् १९६० देखि ७० सम्म चेल्सीका लागि खेलेका थिए ।

सन् १९६६ मा इंग्ल्यान्डले विश्वकप जित्दा टिमका खेलाडी रहेका उनले राष्ट्रको लागि ७ खेल खेलेका थिए ।

चेल्सीका लागि उनले ७ सय २९ खेल खेलेका थिए ।

पिटरले चेल्सीका लागि एफए कप, लिग कप र युएईएफ कप जितेका थिए ।