घाँस काटेपछि यस्तो देखियो रंगाशाला

काठमाडौं । त्रिपुरेश्वरस्थित दशरथ रंगशाला मैदानको घाँस काट्ने कार्यको पहिलो चरण सकिएको छ ।

अखिल नेपाल फुटबल संघ (एन्फा) का अध्यक्ष कर्मा छिरिङ शेर्पाले सामाजिक संजालबाट घाँस काट्ने कार्य सकिएको जनाएका छन् ।

कोरोना भाईरसको कारण सरकारले लकडाउन घोषणा गरेपछि रंगाशाला मर्मत र घाँस काट्ने कार्य रोकिएको थियो ।

तर, लामो समय मैदानमा पानी नहाल्दा घाँस मर्ने भएको कारण एन्फाले बुधबारबाट रंगशालाको घाँस काट्ने र मर्मत गर्ने काम सुरु गरेको थियो । रंगाशालाकै कर्मचारीले घाँस काट्ने र पानी हाल्ने काम सुरु गरेका थिए ।

सहिद स्मारक 'ए' डिभिजन लिगपछि रंगाशालामा कुनै खेलकुद गतिविधि भएको छैन ।

यस्तै चैतमा तय भएको विश्वकप छनोट अन्तर्गतको नेपालको होम खेल समेत कोरोनाको कारण स्थगित भएको थियो ।

कोरोनाको कारण नेपालमा समेत खेलकुद गतिविधि अर्को सूचना नआएसम्मको लागि स्थगित गरिएको छ ।

विश्वकप छनोटमा अब नेपालले अष्ट्रेलिया, जोर्डन र चाइनिज ताइपेसँगको होम खेल खेल्न बाँकी रहेको छ । तीनै खेल रंगाशालामा हुनेछ ।

तस्बिर - एन्फा अध्यक्षको फेसबुकबाट साभार