काठमाडौं । एपीएफ क्लबका पूर्व खेलाडी तथा महिला टिमका प्रशिक्षक नर कुमार राईको ११ वर्षीय छोरीलाई ब्लड क्यान्सर भएको छ ।
एपीएफ क्लबमा रहँदा नरे दाईले परिचित उनको छोरी कसुमी राईलाई ब्लड क्यान्सर भएको हो ।
‘आफ्नो एक मात्रै छोरी थिईन् । त्यहि पनि ब्लड क्यान्सर भएको छ,’ एपीएफको जागिरबाट अवकाश प्राप्त नर कुमारले खेलपाटीसँग भने ।
नर कुमारकी छोरी कसुमी ४ महिनायता कान्ति बाल अस्पतालमा उपचारमा रहेकी छिन् । सुरुमा डेगुको आशंकामा अस्पताल लगिएपनि उनलाई क्याक्सर भएको पुष्टि भएको थियो ।
‘सुरुमा डेगुकै समय थियो । त्यहि हो की भन्ने लाग्यो । हैन रैछ । पछि कान्तिमा ल्यायौं,’ करिब ९ वर्ष एपीएफ महिला टिम हेरेका नर कुमारले भने ।
कसुमी मंसिर १९ बाट बाल कान्ति अस्पतालमा रहेकी छिन् ।
हाल महिला फुटबलमा बलियो स्थितिमा रहेको एपीएफ महिला टिमको निमार्णकर्तानै नर कुमार हुन् ।
प्रशिक्षक रहँदा उनले सावित्रा भण्डारी (साम्बा), अनिता बस्नेत, अनिता केसी, एन्जिला तुम्बाप्पो सुब्बा, मनमाया लिम्बु, गिता राना, सरु लिम्बु जस्ता खेलाडीलाई प्रशिक्षण गराएका थिए ।
उनले पछिल्लो पुस्ताका सरु लिम्बु लगायतको टिमलाई समेत प्रशिक्षण गरेका थिए । नर कुमारले ६४ सालबाट ७३ सालसम्म एपीएफको महिला टिम हेरेका थिए ।
एपीएफमा साबित्रा भण्डारी, एन्जिला तुम्बाप्पो सुब्बा झिकाउनमा नर कुमारको ठुलो भूमिका रहेको छ ।
नर कुमारले ६२ सालबाट ६८ सालसम्म एपीएफबाट 'ए' डिभिजन लिग समेत खेलेको थिए ।
उनले परिवारको आर्थिक अवस्था दयनीय रहेको कारण सहयोग गरिदिन समेत आग्रह गरेका छन् ।
‘दीर्धकालिन रोग रहेछ । फाइनान्सिल अवस्थामा धेरै समस्या आएको छ । धेरै भार भएको छ । इच्छुक व्यक्तिहरुको सानो सहयोगले ठुलो समस्या हल हुने थियो,' उनले खेलपाटीसँग भने ।
