मार्टिनेज ईन्टरमै बस्ने विश्वास

एजेन्सी । अर्जेन्टिनी फरवार्ड लौटारो मार्टिनेजलाई क्लबमै राख्न ईन्टर मिलान ईच्छुक देखिएको छ ।

क्लबका उपाध्यक्ष जेवियर जन्नेट्टीले मार्टिनज क्लबमै बस्ने विश्वास व्यक्त गरेका छन् । उनले युवा फरवार्डको भविष्य क्लबमै रहेको समेत बताएका छन् ।

अर्जेन्टिनी स्टार मार्टिनेजलाई पछिल्लो समय स्पेनिस क्लब बार्सिलोनाले चासो देखाईरहेको छ ।

उनले यस सिजन ईन्टरका लागि १६ गोल गरिसकेका छन् । सबै प्रतियोगिता गरि ३१ खेलमा उनले १६ गोल पुरा गरेका हुन् ।

'तत्काल हामीले सरुवा बजारको बारेमा सोचेका छैनौ । मुख्य कुरा भनेको अहिले स्वास्थ्य हो ।' क्लबका उपाध्यक्ष जन्नेट्टीले भनेका छन् ।

'मैले उनलाई ईन्टरमै खुसी देख्छु । उनले समेत क्लबमा आफ्नो पहिचान बनाईरहेका छन् । उनीमा हामीलाई विश्वास छ । ईन्टरमै उनको भविष्य मैले देखिरहेको छु ।' उनले भनेका छन् ।

बार्सिलोना मात्र नभएर स्पेनिस क्लब रियल मड्रिड र प्रिमियर लिग क्लब म्यान्चेष्टर सिटी समेत मार्टिनेजलाई अनुबन्ध गर्न ईच्छुक छन् ।

तर उनले ईन्टर छाडेको खण्डमा बार्सिलोनानै मुख्य गन्तव्य हुन सक्ने बताईएको छ ।

बार्सिलोनाले मार्टिनेजलाई लुईस स्वारेजको विकल्पको रुपमा हेर्दै आएको छ । भर्खरै २२ बर्षका मार्टिनेजलाई लामो समय उपयोग गर्न सकिनेमा बार्सिलोना विश्वस्त छ ।

मार्टिनेजले लियोनल मेस्सीसंग अर्जेन्टिनाबाट खेलिसकेका छन् । सोही कारण क्लब स्तरमा समेत सोही जोडी देखिन सक्ने सम्भावना प्रबल छ ।