एजेन्सी । जर्मन महारथी क्लबले लण्डन क्लब चेल्सीका डिफेन्डर एन्टोनी रुडिगर अनुबन्धमा चासो देखाएका छन् ।
बुन्डेशलिगाका शीर्ष दुई क्लब बार्यन म्युनिख र बोरुसिया डर्टमण्डले चेल्सीका डिफेन्डर भित्र्याउन चासो देखाएका हुन् ।
लण्डन क्लब चेल्सीले समेत डिफेन्डर रुडिगरलाई समर ट्रान्सफरमा बेच्ने तयारी गरेको छ ।
रुडिगर आफै समेत स्टामफोर्डब्रिज क्लब छोड्न चाहन्छन् । यस्तो अवस्थानमा जर्मनका दुई क्लबले चेल्सी डिफेन्डरलाई अनुबन्ध गर्न चासो राखेका हुन् ।
जर्मनका अन्तराष्ट्रिय खेलाडीले तीन बर्षको नयाँ सम्झौताका बिषयमा छलफल गरिरेहका छन् । जसमा एक बर्षको थप विकल्प समेत राखिएको छ ।
चेल्सीसंग रुडिगरको सम्झौता सन् २०२२ मा सकिदैछ । उनले यस सिजन चेल्सीमा राम्रो प्रर्दशन गरेका थिए ।
उनले यस सिजन चेल्सीबाट १६ पटक खेल्न अवसर पाए । उनले दुई गोल समेत गरे ।
उनले समग्रमा चेल्सीका लागि १ सय ५ खेलमा ६ गोल समेत गरेका छन् । उनी सन् २०१७ मा रोमाबाट साढे ३१ मिलियन पाउण्डमा लण्डन क्लब आएका थिए ।
चेल्सीका फरवार्ड ओलिभर जिराउड समेत नयाँ गन्तव्य खोजिरहेका छन् । उनले ईटालियन क्लब ईन्टर मिलानलाई सम्भावित गन्तव्यको रुपमा हेरेका छन् । तर विकल्प तयार नहुदासम्म चेल्सी जिराउडलाई छोड्न तयार छैन ।
