पोग्बासँग डी लिग्ट साट्न युनाईटेड तयार

एजेन्सी । म्यान्चेष्टर युनाईटेड मिडफिल्डर पाउल पोग्बालाई युभेन्ट्सका डिफेन्डर म्याथिज डी लिग्टसँग साट्न तयार देखिएको छ ।

स्पेनिस क्लब रियल मड्रिडले नजर लगाईरहेको डच खेलाडी डी लिग्टलाई युनाईटेड स्टार मिडफिल्डर पोग्बासंग साट्न तयार देखिएको हो ।

पोग्बा पछिल्लो समय सिरि ए क्लब युभेन्ट्ससंग जोडिएका छन् । कोरोना भाईरसको कारण सरुवा रकम सस्तो हुने सक्नेछ ।

युनाईटेड प्रशिक्षक ओले गुनर सोल्सायर फ्रान्सेली खेलाडी पोग्बालाई सिरि ए क्लब पठाएर युवा डिफेन्डर डी लिग्ट पाउनेमा आशावादी छन् ।

नेदरल्याण्डका डिफेन्डर पछिल्लो समर सिजनमा करिब ६८ मिलियन पाउण्डमा सिरि ए च्याम्पियन क्लबमा आएका थिए । तर ईटालीमा उनको प्रर्दशन चमकदार रहन सकेन ।

युनाईटेडसंग एक वर्षको मात्र सम्झौता बाँकी रहेको पोग्बा समेत ओल्ड ट्राफोर्ड क्लब छोड्न चाहन्छन् ।

पोग्बा पुरानो क्लब युभेन्ट्स फर्कन चाहन्छन् । उनी क्रिस्टियानो रोनाल्डोसंग खेल्न चाहन्छन् ।

पोग्बा युवा अवस्थामा युनाईटेडबाट युभेन्ट्समा आएका थिए । पोग्बाले चार सिजन युभेन्ट्समा बिताए । उनले सबै सिजन घरेलु लिग जित्नुका साथै क्लबलाई च्याम्पियन्स लिगको फाईनलसम्म पुर्याएका थिए ।

स्पेनिस क्लब रियल मड्रिडले समेत डी लिग्टलाई चाहेको छ । तर डच खेलाडी प्रिमियर लिग क्लबसंग जोडिन चाहन्छन् ।

२० वर्षका युवा स्टारले गत सिजन अजाक्सबाट च्याम्पियन्स लिगको सेमिफाईनल खेलेका थिए ।