एजेन्सी । फ्रेन्च क्लब पेरिस सेन्ट जर्मेन (पीएसजी) का स्टार नेयमारले कोरोना भाईरसविरुद्ध लड्न मोटो रकम सहयोग गरेका छन् ।
ब्राजिलियन फरवार्ड नेयमारले कोरोनाविरुद्ध लड्न ५ मिलियन ब्राजिलियन आर्थिक सहयोग गरेका छन् ।
नेयमारले युनिसेफ र ब्राजिलमा स्थापना गरिएको कोषलाई उक्त रकम दिएका हुन् ।
सर्वाधिक महँगा फुटबलर नेयमारले उपलब्ध गराएको उक्त रकम युनिसेफबाट विश्वभरका कोरोना प्रभावित र ब्राजिलको कोषले आफ्नो राष्ट्रका प्रभावितका लागि खर्च गर्नेछ ।
कोरोनाविरुद्ध लड्न विश्वका चर्चित फुटबल खेलाडीले सहयोग गर्दै आइरहेका छन् ।
बार्सिलोनाका लियोनल मेस्सी, युभेन्ट्सका क्रिस्टियानो रोनाल्डो लगायतका खेलाडीले ठुलो रकम सहयोग गरिसकेका छन् ।
कोरोनाको कारण विश्वमा ५३ हजार बढी मानिसको मृत्यु भईसकेको छ । ब्राजिलमा ३ सय बढीको मृत्यु भएको छ ।
