बेल्जियमको लिग रद्द हुँदै, ब्रुगलाई उपाधि दिईने

एजेन्सी । कोरोना भाईरसको कारण स्थगित बेल्जियमको शीर्ष डिभिजनको प्रो लिग रद्द हुने भएको छ ।

लिगको निर्देशक कमिटिले यस सिजनको लिग रद्द गर्ने निर्णय गरेको छ । र, कमिटिले बोर्ड बैठकमा पेश गरेको छ ।

आगामी अप्रिल १५ मा बस्ने बैठकले यस निर्णयलाई आधिकारिक रुपमा अनुमोदन गरिने बताईएको छ ।

यस लिग रद्द भए कोरोनाको कारण रद्द हुने युरोपको पहिलो शीर्ष लिग बन्नेछ ।

यस्तै कमिटिले यस सिजनको उपाधि लिग लिडर क्लब ब्रुगलाई दिने निर्णय समेत गरेको छ ।

यस सिजन ब्रुग दोस्रो स्थानको जेन्ट भन्दा १५ अंकले अघि रहेको छ ।