एजेन्सी । स्पेनिस क्लब बार्सिलोनाका खेलाडी आफ्नो तलब कटौती गर्न सहमत भएका छन् ।
कोरोना भाईरसको महामारीले आर्थिक संकटबाट गुज्रिएको क्लबलाई सहयोग गर्न बर्सिलोका खेलाडी ७० प्रतिशत तलब कटौतीका लागि सहमत भएका हुन् ।
कटौती भएको तलबले क्लबका अन्य कर्माचारीलाई सहयोग गरिने छ ।
बार्सिलोनाका कप्तान लियोनल मेस्सीले क्लबलाई सहयोग गर्ने उपायको खोजी गर्दा यस कदममा ढिला भएको बताए ।
बार्सिलोनाका डिरेक्टर,बोर्ड सदस्य तथा बास्केटबल खेलाडी समेत तलब कटौतीका लागि सहमत भएका छन् ।
यस अघि इटालीको युभेन्ट्स, जर्मनीका वायर्न म्युनिख र बोरुसिया डर्टमण्डका खेलाडी तलब कटौतीका लागि सहमत भएका थिए ।
