एजेन्सी । कोरोना भाईरसको महामारीविरुद्ध लड्न फ्रेन्च क्लब पेरिस सेन्ट जर्मेन (पीएसजी) का फरवार्ड केलियन एमबाप्पेले आर्थिक सहयोग गरेका छन् ।
फ्रान्सका युवा फरवार्ड एमबाप्पेले पेरिसको अब्बे पिएरे फाउन्डेसनबाट आर्थिक सहयोग गरेका हुन् । फाउन्डेसनले कोरोनाविरुद्ध लड्न एमबाप्पेले मोटो रकम सहयोग गरेको जनाएको छ ।
तर, फाउन्डेसनले एमबाप्पेले सहयोग गरेको रकम भने खुलाएको छैन । एमबाप्पेले समेत सहयोगबारे खुलाएका छैनन् ।
चीनबाट फैलिएको कोरोनाको कारण फ्रान्स पनि निकै प्रभावित भएको छ । कोरोनाको कारण फ्रान्समा १५ सय बढी मानिसको मृत्यु भईसकेको छ ।
कोरोनाविरुद्ध लड्न विभिन्न राष्ट्रका खेलाडीहरुले आर्थिक सहयोग गर्दै आइरहेका छन् । क्रिस्टियानो रोनाल्डो, लियोनल मेस्सी जस्ता खेलाडीले लाखौ रकम सहयोग गरिसकेका छन् ।
