मानेद्वारा कोरोनाबिरुद्व लड्न ४१ हजार डलर सहयोग

एजेन्सी । लिभरपुल स्टार साडियो मानेले कोरोना भाईरसबिरुद्व लड्न सेनेगलको स्वास्थ्य संगठनलाई ४१ हजार डलर सहयोग गरेका छन् ।

लिभरपुलका फरवार्डले सेनेगलको बिग्रदो अवस्थालाई हेरेर सो रकम दान गरेका हुन् ।

मानेले कोरोनाको प्रभाव बढ्ने देखेर सो रकम उपलब्ध गराएको बताईएको छ ।

सेनेगलमा कोरोनाको संक्रमणबाट २७ जनाको ज्यान भएको छ । जसमा दुई जना निको भएर फर्किएका छन् ।

लिभरपुललाई च्याम्पियन्स लिग सम्मको यात्रा तय गराएका सेनेगलका फरवार्डले आफ्नो देशलाई सहयोग गरेका हुन् ।

मानेले समाजिक सञ्जालबाट आफ्नो देशका मानिसलाई भाईरसलाई अत्यन्त गम्भिरतापूर्वक लिन बताएका थिए । उनले रोगबाट बच्न कसरी जोगिने भन्ने बिषयमा आफ्ना शुभचिन्तकलाई उपाय समेत सुझाएका थिए ।

लिभरपुलका फरवार्ड यतिबेला टिमसंग अभ्यासमा छन् । प्रिमियर लिगका खेलहरु बन्द भएपछि उनले फिटनेशको अभ्यास गरिरहेका छन् ।

संक्रमितको संख्या बढेपछि सेनेगलले युरोपेली देशसंगको ह्वाई उडानमा प्रतिबन्ध लगाएको छ । सेनेगलले उत्तर अफ्रिकाका देशसंग समेत ह्वाई उडानमा प्रतिबन्ध लगाएको हो ।