उरुग्वेविरुद्ध मोहमद सलाह प्लेईङ ११ मा अटाएनन्
एजेन्सी । रुसमा जारी फिफा विश्वकप फुटबल अन्तर्गत उरुग्वेविरुद्धको खेलमा इजिप्टका स्टार स्ट्राइकर मोहमद सलाह प्लेईङ ११ मा पर्न असफल भएका छन् । चोटका कारण पूर्ण रुपमा फिट नभएका सलाह पहिलो खेलमा टोलीमा नपरेका हुन् ।
विश्वकप अन्तर्गत समूह 'ए' को दोस्रो खेलमा आज बेलुका इजिप्ट र उरुग्वेबीच प्रतिस्पर्धा हुँदैछ । दुई राष्ट्रबिचको खेल नेपाली समय अनुसार साँझ ५ : ४५ मा सुरु हुनेछ ।
एकाटेरीनवर्गस्थित सेन्ट्रल रंगशाला हुने खेलमा इजिप्टको टोलीमा सलाह नपरेका हुन् । इजिप्ट फुटबल एसोसियसनले निकालेको लाइनअपमा सलाहको स्थानमा मारवन मोहसेनलाई राखिएको छ ।
च्याम्पियन्स लिग फुटबलको फाइनल दौरान काधमा चोट बोकेका कारण सलाह पहिलो खेलमा पहिलो रोजाईमा नपरेका हुन् ।
प्लेईङ ११ (इजिप्ट) : मोहम्मद एल सेन्नावी, अहमद फाथी,अलि गर्ब, अहमद हेगाजी, मोहम्मद अब्देल सफी, तारेक हमेद, अमर वार्दा,मोहम्मद एल नेनी, अब्दल्ला सइद, महमद ट्रेजीगुइट,मारवन मोहसेन
