माउन्ट एभेरष्ट ओपन तेक्वान्दो स्थगित

काठमाडौं । तेस्रो संकरणको माउन्ट एभेरष्ट ओपन इन्टरनेसनल तेक्वान्दो च्याम्पियनसिप स्थगित भएको छ ।

नेपाल तेक्वान्दो संघले बिहिबार प्रेस विज्ञप्ति निकाल्दै प्रतियोगिता स्थगित गरिएको जनाएको छ ।

संघले आयोजना गर्ने प्रतियोगिता चैत १९ देखि २३ गतेसम्म हुने बताईएको छ । तर, विश्वमा महामारीको रुपमा फैलिएको कोरोना भाईरसको कारण प्रतियोगिता स्थगित गरिएको संघले जनाएको छ ।

संघले परिस्थितिको अनुकुलतालाई हेरेर नयाँ मिति सार्वजनिक गरिने जनाएको छ ।

विश्व तेक्वान्दो संघले सम्पूर्ण सदस्य राष्ट्रलाई प्रतियोगिता आयोजना नगर्न निर्देशन दिएको र ओलम्पिकका लागि छनोट खेलहरु समेत स्थगित भएको संघले जनाएको छ ।