इलाम । रुपन्देहीको गोर्खा ब्वाईज छैटौं संस्करणको माईभ्याली गोल्डकप फुटबलको क्वाटरफाइनलमा प्रवेश गरेको छ ।
बिहिबार भएको उद्घाटन खेलमा भारतको कोहीमा इगल नागाल्याण्डलाई ४-० गोल अन्तरले पराजित गर्दै गोर्खाले क्वाटरफाइनलमा स्थान बनाएको हो ।
गोर्खाको जितमा शक्ति राईले दुई गोल गरे । यस्तै फोडे फोफाना र हाजमतले एक एक गोल गरे ।
अब गोर्खाले सेमिफाइनल प्रवेशका लागि मछिन्द्र फुटबल क्लबसँग खेल्नेछ ।
प्रतियोगिता अन्तर्गत शुक्रबार आयोजक माइभ्याली फुटबल क्लबले ग्यान्टोक सिटी सिक्किमसँग खेल्नेछ । खे
१० टिम सहभागी प्रतियोगिताको विजेताले नगद ८ लाख तथा उपविजेताले ५ लाख रुपैयाँ पाउने छन् । प्रतियोगिताको उत्कृष्ट खेलाडीले नगद १ लाख २५ हजार प्राप्त गर्ने छन् ।
