विलियम्सनले भारतसँगको दुई खेल गुमाउने

एजेन्सी । न्युजिल्याण्डका कप्तान केन विलियम्सनले भारतविरुद्धको एकदिवसीय सिरिज अन्तर्गतको सुरुवाती दुई खेल गुमाउने भएका छन् ।

बाँया हातको कुमको चोटको कारण विलियम्सनले सुरुवाती दुई खेल गुमाउने भएका हुन् ।

घरेलु टिम न्युजिल्याण्डले भारतसँग तीन खेलको एकदिवसीय सिरिज खेल्नेछ ।

न्युजिल्याण्डले विलियम्सनको स्थानमा मार्क चापम्यानलाई टिममा बोलाएको छ ।

न्युजिल्याण्डले यसअघि भारतविरुद्ध पाँच खेलको टी-ट्वान्टी ५-० ले गुमाएको थियो ।